|
هميشه لب‌هايتان چون گل محمدي، خندان باد گلخندان |
|||
|
سه شنبه 3 ارديبهشت 1392برچسب:قيزيل داغلار,عظيم سرودلير,كوسه‌لو,گلخندان,, :: 11:58 :: نويسنده : عظیم سرودلیر
قيزيل داغلار سوزه گلين ياددان چيخين گوزه گلين دِيون گيچَندن گَلَندن قيزيل لَردن دولان داغلار ......... چوخلار گلدي گيچدي سيزدن شيرين سولار ايچدي سيزدن بيلينمه دي هارا گيتدي سِرّ لَري ساخلادان داغلار ......... هارا گيتدي اوچي لارين توفانكوه دا يول چي لارين عينعلي بَگ قارا قولدا دوربون چيكوب باخان داغلار ......... مَش لطيف دَن نه خبر وار گُودار قوچو كيم لَر قو وار قاچان اولار هارا گيتدي جيرانلارو قاچان داغلار ......... آباس چايو آياغويدا چنار لارو ساياغويدا مَشد حبولّلا مَشد حنيفه سوگود لرين تاخان داغلار ......... كهنه كندي كيم لَر سالدو كيم لَر گيتدي كيم لَر قالدو بير قبرستان نشان اوندان بيزه عبرت قويان داغلار ......... قارا قوشلا ر ياندي سنه آبي رنگي جان دي سنه گَوَني نين كيتيرگه سي گَوَنچي سيز قالان داغلار ......... پَلَه ليگين چَمن لَري گولّلو جه نين اَنَن لَري شَتَرّسي گُل چيچگي بويون چينه سالان داغلار ......... گوي اوزونه باش چيكدييز يال دالوندان قاش چكدييز كوسه لينين ايش لريندَن گيزلين خبر آلان داغلار ......... شاقّول كندي باش باخچالار شيعه ، سونّو قاباخجالار جنگ ايله مَك ، دوشمن ليگه ايراخ دوروب باخان داغلار ......... طويدا كوسا اوغلانلارو گوردولَر اوينويانلارو يول اوسته جنگه دوشدولر كوسا آغلار قويان داغلار ......... كوسه لينين قوجالاري جوان ، بوركو اوجالاري گون آللوندا قيش گونونده بورون سويو آخان داغلار ......... كيشي لري كَكليگ قووار سووُخ ، سُوزدان اَلين اووار بيري دوتار بيري قالار ككليگ لَري اوچان داغلار ......... باهارون خوش هاواسوندا آجولچو اوت هاواسيندا اولاخ اوسته چپ راست گيدَن سخت ليگينَن چيخان داغلار ......... ياستي يورد دور قولتو قويدا اوت علفي بِليم بويدا مَش فتوللا ايلديريم تك كَرَّك لرين چالان داغلار ......... هيچ ديمه دين اوغلان لارين هارا گيتدي جوانلارين دِيري ديلَر يا اُولوب لَر آي خبر آلمويان داغلار ......... آنّورا قالسون بو ماشون اَزدي سوموگون يولداشون آغلار قويدو كور كولفتين آل خبر اولاردان داغلار ......... بوردا چوخ باغلار اَكديلر مِلك سالدولار ايو تيكديلَر آمّا ويلّه يوب گيتديلَر كند لري وِل قالان داغلار ......... عبّاسعلي باغ ايچينده سس سالاردو داغ ايچينده الأن ديين كيم اوخورو سسي كنده سالان داغلار ......... قيش اولاندا اوگَچ ، اَزمان اَتليك كَسَرديلَر ديزمان قرآن اوخوتدورارديلار ياسين و اَلرَّحمان داغلار ......... يان يوره ميز باش كوچه ده موتور گازلار داش كوچه ده هامو ايولَر خراب اولوب خارابويا باخان داغلار ......... حاجي بابا لو حَيَتي پَردِيَه آسدولار اَتي كيمي گيدوب كيمي قالوب وَليش گيتدي جوان داغلار
.........
بايرام اولدو بَزَنديلَر نومورتالار ، هي سينديلَر جمع دولانوردو ايولَري دسته سي داغولان داغلار ......... توي اولدو ، نارلار آتديلار گلينلَر حنا ساتديلار اوچ گون يديلَر ايچديلَر تويا حسرَت قالان داغلار ......... اوچ ايل مكتبه مَن گيتديم قرآنو آخيره يتديم اوخودوم نيچّه كتابو سعدي دَن گلستان داغلار ......... بير گون ديدي منه مولّلا داخي بيلميرَم مَن والّلا بيلديگيم اورگَتديم سنه قالدوم من بي امان داغلار ......... مني حاج آقا پيادا آپاردي مقصود آبادا اوردا قويا درس اوخويام درسه باش قاتمويان داغلار ......... بازيرانون موللالارو دُعا سو يا آللالارو خلقي سواددار ايتديلَر اوخويوب خطّ يازان داغلار ......... ميرزابراهيم ميرزا يحيي موللا مَمَّد حسين هاردا ميرزعلاقا اَلدَن گيتدي بو غم لَره يانان داغلار ......... اَزنو لو ميرزا ابراهيم اورگَتدي رَحمان و رَحيم بسم الله ، قرآن اورگَتدي رحمتليگ يوللويان داغلار ......... اَوَّل گون گيتديم مكتبه جواب ويرمه ديم مَطلَبه نوش جان اله ديم چِبيخ اولدوم اوردان قاچان داغلار ......... حَيَطده سَكّيه قاچدوم آقام گوردو داما آشديم سالدو قووالاقا مني اولدوم درس اوخويان داغلار ......... قار ياتاقون دال دره سي گُل چيچَگين يا غ كره سي قوخولايوب تيكه وردوخ عطري ياغسوز قالان داغلار ......... گَوَنچيلَر دوتدي گولو داليجا دوتدي پَس گولو اوشاخلار گيتديلَر پَسُه پسي دوتولمويان داغلار ......... مَشَدي سالدو دگيرمانو چِكديردي آرپا بوغدانو ابيلفَضل دگيرمانچو ،گيتدي دگيرمانو ياتان داغلار ......... دگيرمان شاق شاقا سسي دوشردي داغ داشا سسي بير سسي اون سس ايلَردون سسلري قايتاران داغلار ......... ننه مي بيز چوخ ايستَرديك فاطمه اينَن بحث ايلَرديك گيجه قوجاقا آلاردي آي ننه سيز قويان داغلار ......... بير ايل اوروچلوخ گيجه سي ايشيتديم يوخو ديمه سي ديدي قَحَط ليك گَلَه جَك اَتَگي اوت دوتان داغلار ......... ديدي چورَك گوردوم يانور اوچ دسته ، گويدَن ساللانور انير گلير يانا يانا سولارو قورويان داغلار ......... اوچ ايل قَحَط ليك بيز چيكديك آرپا چوره گي ده يِديك مَشدي دولت دَن اون آلدو اَكيني قورويان داغلار ......... كَند ايو لَري خَرَه له نيب اَمّا آدو تَزّه َله نيب كوسه لي اولوب گُلخَندان گَل اوُل بونا حيران داغلار ......... اِيدَه لَري كيم سيلكيري پالان لارو كيم تيكيري قُربانعلي دَن نه خَبَر اُلاغوُ بي پالان داغلار نظرات شما عزیزان:
درباره وبلاگ    شعر سهگانیتوزیع کتاب شاهدان عشق
مزار عالم ازناوی در تاجیکستان
حماسه بابا
اخبار گلخندان
گلخندان در گذر زمان
بازدید فرماندار محترم شهرستان فامنین و بخشدار بخش پیشخور از روستای گلخندان
قیزیل داغ با دامنی پر از شقایق
افتخار آفرینی تیم قزل داق
داستان مقاوت تاک‌های تشنه باغ‌های شاهقلی کندی
بچّه‌های و امروز مدرسه بازران و گلخندان
جلسه شورای اسلامی گلخندان با اهالی در مورد لایروبی جوی‌های کشاورزی
روستای چپقلو در روز سیزدهم فروردین 95
قیزیل داغ در روز سیزدهم فروردین سال 95
شکوه قیزیل داغ در جامه سپید زمستانی
برنامه مسابقات تیم قزل داق در نوروز 95
کتاب جدیدی که امروز به زینت طبع آراسته شد.
آرشيو وبلاگ پيوندها
نويسندگان
|
|||
 |
