|
هميشه لبهايتان چون گل محمدي، خندان باد گلخندان |
|||
|
یکشنبه 13 مهر 1393 :: 19:24 :: نويسنده : koosalu-bazeran
امام رضا علیه السّلام در رایطه با عید غدیر خطبه ای ایراد فرمودند که در قالب سروده ی ترکی تقدیم می گردد.
غدير او گوندي كه بايرام اولوبدي شيعه لره غدير او گوندي كه مولا گلوبدي بنده لره غدير او گوندي كه مولا رضا گلوبدي دِله بيله بيان ايله يوبدور ، نه ، خوش گون اولدي غدير
قيامتون گوني دورت گون بَزَلّه مثل گَلين غدير و جمعه و اضحي و فطر بايرامين اگر چي هر بيري ايشّيق دي ، گو ي ستاره سي تك ايشيق لي آي كيمي اولدوز ، آرا ، گون اولدي غدير
بو گونده اولدي رها چون كه اوتدان ابراهيم(ع) خليل دوتدي اوروج شكر ايچون هر ايل دايم دو لانديريبدي خدا داغ اودي گلستانه رسول حق اود آرا قورتولان گون اولدي غدير
غدير بايرامي كامل اولوبدي دين نبي علي(ع) ولايته منصوب اولوب بحكم جَلي اوروج دوتوبدي رسول خدا تشكّر ايچون علي (ع) فضايلي اعلان اولان گون اولدي غدير
غدير او گوندي كه يول باغله نوبدي ابليسه علي(ع) مخالفي اعمالي دوندي تَدليسه قبول دير هامي شيعه عبادتي بير باش محمّد(ص) آلينه بايرام اولان گون اولدي غدير
غدير اولوبدي مبارك محمّد (ص)آلينه خدا ايدر كرم و لطف عبادت اهلينه او كس لري كه عيال و اوشاقينه خوش اولا عمل قبول و گناه ، عفو اولان گون اولدي غدير
غدير او گون دي دعالر قبول اولانلار دي بشارتين گوني دي بير جَه عالي بايرام دي گناه لر يووولار غصّه لر اولار زايل فضيلت ايله هنر پايلا نان گون اولدي غدير
غدير او گون دي كه تازه گِيِنمه لر گِيِلر اورك لرين هامي درد و اِلم لري تو كو لر بو گونده ياخشي ايشه اَل قويار علي دوستي محمّد آلينه صَلّّ ديمك گون اولدي غدير
غدير او گون دي كه اسلام اولوبدي كامل دين خدا اولوبدي رضا بيز لره بو ديني يقين بو گون دي آل محمّد(ص) لره بويوك بايرام خدا دن حاجتيميز ايسته مك گون اولدي غدير غدير او گون دي كه لازم گناهي ترك ايتمك بو گون او گوندي خدا رحمتينه اَل يتمك بو گون او گون دي كه راحت گلوبدي مؤمن ايچون مسلمانا آل و وير ايله مك گون اولدي غدير
بو گون او گون دي مقابل دي بيت معموره او جبر ئيل اوتوران تخت ، بنزري نوره فرشته لر هامي دورينده ، شيعيه خاطر خدا باغيشلا ما قين ايستمك گون اولدي غدير
غدير او گون دي كه دستور حق ، ملك لرينه يتر كه ساخلايون اَل شيعه ايلمك لرينه به احترام عليّ (ع) و رسول حق احمد(ص) پيس اولسا دا قلم عفو چِكَن گون اولدي غدير غدير او گون دي كه مؤمن گناه دن پاك اولار بوگون او گون دي ثوابي چوخ ، ايلمك افطار غدير او گون دي كه تبريك و تهنيت ديمه لي كه شيعه بير بيريني گورمه لي گون اولدي غدير
غدير او گون دي كه مؤمن گورنده بير بيري ني خدايه شكر ايليَللر ، تَمَسّّك ايتمه گيني ولاي آل علي (ع) و علي(ع) ولايتينه بري برينه مبارك ديمك گون اولدي غدير
غدير او گون دي كه مؤمن گورن ده قارداشيني گولر ، گولر لي اوزيلن ، گورنده يولداشني اگر كه ايستي سن الله سنون يوزيوه گوله مسلمانون اوزينه گولمه لي گون اولدي غدير غديراو گوندي خداوند با خار كرامت ايلن اگر كه سن باخاسان ، مؤمنينه رأفت ايلن قيامتون گوني مين حاجتين روا اولا جاق بهشت قصر لرين سالما لي گون اولدي غدير
غدير او گون دي كه زينت گرك دي شيعه لره اضافه لي حسنه وار بيلَنچي شيعه لره گويون فرشته لري يازماقا اولار مأمور شهيد رتبه سي كسب ايلمك گون اولدي غدير
غذير او گوندي اگر مؤمنه غذا ويره سن ايله بيل اوندا كه بير يرلي سن غذا ويره سن پيمبران خدا ، دوز دِيَن لي بنده لره(صدّيقين) ثواب بير بيله جه ايله مك گون اولدي غدير غدير او گون دي اگر مؤمني زيارت ايدن سنون مزاريوي الله اولنده چوخ گِن ايدن ايشيق ويرر اونا ، يتميش ايشيق لي، ايشّيق ايلن بهشت موشدولوقي ويرمه لي گون اولدي غدير غدير او گوندي بزنمگ ويرر يقين بهره سعادتِ بو جهاني ، اگر قالان زنده بو گونده مؤمني ايتمگ قوناخ ، فرشته لري او دنيادا سنه زاير ايدن گون اولدي غدير
بو گون او گون دي ولايت اولوبدي عرضه يقين گوي اهلينه ، كه قبول ايليوب دي يدّمجين قاباخ جا ليخ هامي دان زينتون تاپوپ فوراّ خدانون عرشي ايلن ، بيرجه خوش گون اولدي غدير
ايكيمجي نوبت آلوب آسمان دورديمجي خدا ويروب اونا زينتلي بيت معموري اوچومجي نوبتي بو دنيا نين گويي د وتدي ايشيقلي اولدوزا زينت تاپان گون اولدي غدير
ولايت عرضه سينه ير يوزي صورا چاتدي زمين مكّه قاباخ جا قبول ايدوب تاپدي شرافت حجر الأسود ايله كعبه ايوين صورا مدينه قبول ايلين گون اولدي غدير
مدينه ده شرفين احمد (ص) اولمادان تاپدي سپس ولايتي كوفه قبول ايدوب چاتدي شرافت اسدالله ، عليّ شير دله شرافت ير و گوي كسب اولان گون اولدي غدير ولايت عَرضه اولاندا قبول ايدوب نچه داغ بو دنيا داغلاري ايچره قاباخجالي اوچ داغ عقيق اولوب بيري سي و او بيرجه فيروزه اوچومجي داغ نيجه ياقوت اولان گون اولدي غدير
طلا و نقر ه تاپوب دي قبول ايدن ، معلوم قبول ايله مي يَن هر نه دن اولوب محروم قوتاردي داغلار ايشي ، عرضة ولايت دن ولايتي سويا عرضه ايدن گون اولدي غدير
قبول ايدن سو ، تاپوپدي مزه اولوب شيرين قبول ايلمين آجي اولوبدي تلخه كيمين داليجه عرضه ولايت اولوب پرنده لره نه ياخشي سَسلي قبول ايلين گون اولدي غدير علي (ع) ولايتيني قلبينه آلان بنده اولوب فرشته كيمين آدمه ايدوب سجده قبول ايلمين ابليسين برابري دي خدانين امرينه دال دوندرن گون اولدي غدير
بو گون او گون دي كه "دين كامل اولدي" نازل اولوب پيمبران خدايه رسالت حاصل اولوب بو گون شرافتنه بَس كه خم غديرينده علي(ع) ولايته منصوب اولان گون اولدي غدير
عظيم سرودلير 10 / 3 / 1384 مطابق با بيست دوّم ربيع الثاني 1426 مشهد مقدّس
درباره وبلاگ موضوعات   تبار رستمیها- یداللهشعر سهگانی
توزیع کتاب شاهدان عشق
کاروانی آمده در اربعینت یا حسین
گل گور نه غوغا دور بو گون شاه دین حیدر
مولا سرت سلامت
یاحسین
عشق یعنی داستان کربلا
آرشيو وبلاگ پيوندها نويسندگان
|
|||
 |
