یا حسین (ع)

سن گَتوردون زینبی کرب و بلایه یا حسین

تا توکتسین حُجّتی قوم دغایه یا حسین

یوزدن آرتوخ یازدیلار نامه سَنه بو قوم کین

گَل تانید دیر جدِّیون دینین ایا ای شاه دین

یازدیلار: گَل گور وفاسین ایندی اهل کوفه نین

سالدیلار یوز مین بلایه سَن خدانین حجّتین

قویدولار آل عبانی چوخ جفایه یا حسین

 تا توکتسین حُجَّتی قوم دغایه یا حسین

حَجّه خاطر جدّیون قبرین زیارت ایلدون

کعبیه عزم ایلیوب قصد عبادت ایلدون

باغلادین اِحرام حَجّی عزم طاعت ایلدون

نامه لر یتّدی سنه قصد شهادت ایلدون

اصغری قربان گَتُوردون نینوایه یا حسین

تا توکتسین حُجَّتی قوم دغایه یا حسین

حَجّین احرامین چیخاردوب کوفه نی دوتدون نظر

قاصدین گلدی سفیروندن سنه ویردی خبر

نینوا منزلگهی اُولدی سیزه دشت خطر

سَن قانین ویردین تاپا کرب وبلا حُکم حجر

سن بلانی ایسته دون آل عبایه یا حسین

تا توکتسین حُجَّتی قوم دغایه یا حسین

اوز اَلُون لَه سو ویروب اعدایه اکرام ایله دون

داغ گون آلتدا دشمنه احسانی اتمام ایلَه‌دون

دشمنه ایتدون نصیحت حقّی اعلان ایلَه‌دون

دینی بر پا ایتمه گه جانیله اقدام ایلَه‌دون

خطبه ایراد ایله دون قوم جفایه یا حسین

تا توکتسین حُجَّتی قوم دغایه یا حسین

بیر بیر آلدیلا اجازه جان ویره یولداشلارون

گوز قَباقینده ویروب باش، قُول لارین قارداشلارین

اکبرین گُل پیکرین گُورجَگ آخوب گوز یاشلارین

قاسمی سالدین یولا اوپدون گوزیله قاشلارین

یُولّادین نو گُل لرین دار بقایه یا حسین

تا توکتسین حُجَّتی قوم دغایه یا حسین

قویدولار یالقیز داخی دشمن سَنَه رحم ایتمه دی

قارداشون، اوغلون، رفیقون کَسمَگینه بیتمه دی

ایت کیمی سعدون بالاسی نینوادن ایتمه دی

کَسمَیونجه باشیوی کرب و بلادن گیتمه دی

حقّ یولوندا سَن باشون ویردون جدایه یا حسین

تا توکتسین حُجَّتی قوم دغایه یا حسین

آیت حقّ قالدی یرده خیمه لَر اودلاندیلار

باش آچیق اهل و عیالین کوفیه یولّاندیلار

دشمنون حقّ دَن چیکوب اَل بوش سوزه آلّلاندیلار

حوض کوثر دَن گیچَن لَر اودلارا سالّاندیلار

چوخ چَتین گیچدی اوگون زین العبایه یا حسین

تا توکتسین حُجَّتی قوم دغایه یا حسین

عظیم سرودلیر

24/9/88

مشهد مقدّس